Masalmo 97:7 - Bhiblia Yo Sawuleka

⁷ Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Masalmo 97:7 Referans Kwoze

Vahebheru 1:6

Na kambe, ngako Txizimu txi rumela Mwanana wa txona ha mafuni txi ti kha txona: “Totshe tingelozi ta Txizimu ti na mkhozele.”

Jeremiya 10:14

Ngako va txi si wona vathu ve ema, va txi kaye, va si zivi txilo, ni vamahi va nzalama ve wiswa tingana ngu sifananiso sawe so vatwa; nguko sifananiso sawe makuhu, kha si nga ni dihika.

Isaya 42:17

Va na tshumelela msana se va na wa tingana avale va thembako sithombe so vatwa, va ku kha vona ka sithombe so wumbwa: Anu mi sizimu sathu.

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Eksodha 20:4

U nga ti mahele sifananiso so vatwa, hambi txifananiso txa sile si ku txitimwi nzumani, hambi txa sile si ku hahatshi ha mafuni, hambi txa sile si ku mu matini, hahatshi ka mafu.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

2 Makronika 3:13

Se makerubhima awa ma ti ti emisilwe ma txi wonetela nyumbani ma txi nawuluta tibhapi ta ona kala ka magumi mambidi a mikono.

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Dhewuteronome 5:8

Awe khu na mbi ti mahela txifananiso txo vatwa, hambi txo fana ni txokari txa si si ku txitimwi nzumani, mwendo hahatshi ha mafuni, mwendo matini hahatshi ka mafu;

Eksodha 25:20

Makerubhima ma nava ni mabhapi o nawulukela txitimwi, aale ma no vhikela txikhalo txa wumbilu, ngu mabhapi a ona, ma di rendekelanile dimwani ni dimwani.

1 Samuwele 5:3

Kambe magwanani ka kona, va ka Asidhodhe va to wuka ni mabimbi-kutxa, ve wona Dhagoni a di wite hahatshi ngu khohe, masoni ka dibhokiso da Mkoma; se va to teka Dhagoni ve mtshumeta ka wukhalo kwakwe.

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Isaya 45:16

Va nawa tingana, kambe va na kanganyiseka votshe; va nawa kumweko vale va mahako sithombe.

Jeremiya 2:26

Kufana ni dikhamba di di manwi di ni tingana, ngu toneto ni nyumba ya ka Israyeli yi ni tingana, kumweko ni vafumeli ni vathangeli va yona, vaphaxeli va yona ni vaprofeti va yona.