Masalmo 97:5 - Bhiblia Yo Sawuleka

⁵ Mimango ya nyivilika nga phula, masoni ka Mkoma Txizimu i ku nyamne wa otshe mafu.

Masalmo 97:5 Referans Kwoze

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.

Masalmo 47:2

Nguko Mkoma Nyatxitimwi mbwa kuthisa; ngene Mfumeli wa hombe wa mafu otshe.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Masalmo 46:6

Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.

Joxuwa 3:11

Wonani taku, dibhokiso da txitumelelano txa Mkoma wa otshe mafu, di na thanga di txhatuka ka mnambo wa Jordhani, masoni kwanu.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Zakariya 4:14

Sekoko ene a to khene kambe: Avava ngu vale vavambidi va nga totwa, va ku masoni ka Mkoma wa otshe mafu.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Marku 11:3

Ngako m'thu wokari a txi mi wotisa tito, ‘Mi txi thukunyulela txani’, mi na khanu: ‘Mkoma ngene a txi lavako, a na kuluveta ku txi tshumeta txi wuya kona hawa.’ ”

Masalmo 75:4

Ni ti khani ka sipumbu: Mi nga ti maheni sipumbu; Ni ka vaonhi ni ti khani: “Mi nga ti maheni sihwiri!”