Masalmo 97:4 - Bhiblia Yo Sawuleka

⁴ Kukeluka ka singwalangwanda sakwe kuwoninga ditiko; mafu ma si wona, me tsekatseka!

Masalmo 97:4 Referans Kwoze

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Masalmo 114:7

Awe mafu, dhudhumela masoni ka Mkoma, masoni ka Txizimu txa Jakobe,

Masalmo 96:9

Khozelani Mkoma, na mi di ambate wusawuleki, mkombeni txithavo masoni kwakwe, anu vathu va ha mafuni!

Jobe 9:6

atxile txi thavisako mafu ka wukhalo wa ona, se tiphande ta ona ti txi zinginika;

Jobe 37:3

Txizimu txa rumela txingwalangwanda ni liwoningo, ngu hahatshi ka nzuma, kala magwito ka mafu.

Masalmo 77:19

U tute nzila yako hagari ka linene; u tsimbila ngu hagari ka mati o khulunga, aniko ni wammweyo kha nga wona mkondo wako.