Masalmo 97:3 - Bhiblia Yo Sawuleka

³ Mndilo wu thangela masoni kwakwe wu txi hisa valala va va mrandelako.

Masalmo 97:3 Referans Kwoze

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

Masalmo 18:8

Wu humile wutshi ngu tithonvuni ka txona ku txi huma mndilo wa luhya ngu txisofuni ka txona; kuhuma kambe ni makala a mndilo wo tura.

Vahebheru 12:29

Nguko, Txizimu txathu, i mndilo wu wu hisako.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Habhakuki 3:5

Masoni ka txona ku ti ti thangela mtungu, ni miseve ya mndilo hahatshi ka mikondo ya txona.

Mtuletelo 11:5

Ngako m'thu a txi lava ku ti mahela wubihi tifakazi tile, ku na huma mndilo ngu txisofuni ka tona, awu wu no pfunulela valala va tona; inna, ngako m'thu a txi duketa ku ti mahela wubihi ngu tona ti a nga txi fanela kufisa tona.

Dhewuteronome 5:4

Mkoma a wombawombile ni nanu khohe ni khohe, a di hagari ka mndilo, txitimwi ka mmango.

Dhewuteronome 4:36

Ene Mkoma a mahile ti to u txi engisa dipswi dakwe a di nzumani, kasi ku a txi kugondisa. Ene a mahile ti to u txi wona mndilo wakwe wa hombe kona ha mafuni, ni kuengisa mapswi akwe ma txi huma ngu hagari ka mndilo.

Dhewuteronome 4:11

Anu mi to tshuketa, mi txi ta maneka hafuhi ka mmango; aniko mmango wu ti tura mndilo kala nzumani, hagari ka txidema ni marefu ni kuphuma.

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Masalmo 18:9

Txizimu txi to tula nzuma txi txhika ku di ni txidema hahatshi ka mikondo ya txona.

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.