Masalmo 97:2 - Bhiblia Yo Sawuleka

² Mkoma a randetwe ngu marefu ni txidema; ditshina da mfumo wakwe ngu kululama ni fanelo.

Masalmo 97:2 Referans Kwoze

Masalmo 89:14

Mfumo wako wu tsanisilwe ngu kululama ni ditshuri, lirando ni ditshuri si ni nawe masoni kwako.

Eksodha 19:9

Se Mkoma a to ni gela ku khene: “Wona taku ani ni nata kwako ngu mu ka direfu do phumela, kasi ku vathu va txi ni engisa ni txi womba-womba ni nawe, kasiku kambe va txi kholwa ngu ha ku si gwitiko.” Aha Mosi a nga txhamusela ka Mkoma mapswi a vathu votshe,

Mavingu 16:12

Njinyenyeko ka vafumeli kumaha wubihi, nguko txikhalo txa wukoma txi tsaniswa ngu wululamo.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Masalmo 77:19

U tute nzila yako hagari ka linene; u tsimbila ngu hagari ka mati o khulunga, aniko ni wammweyo kha nga wona mkondo wako.

Eksodha 20:21

Vathu va to zumbela kule; Mosi a txi tshuketa aha ka direfu, mtemani, ahale Txizimu txi nga ti kona.

Jobe 23:14

Nguko txi na maha ati ti nga vekelwa ani kambe ndingi to fana ni tiya txi ku nato.

Jobe 26:9

Txizimu txa sisa khohe ya txitulu txa txona txa wukoma, se ngu txitimwi ka txona txi gwimba direfu.

Masalmo 89:15

Va katekile vathu vale va zivako ku kudhumisa, Mkoma, avale va hanyako kuwonekelani ka khohe yako.