Masalmo 97:10 - Bhiblia Yo Sawuleka

¹⁰ Mkoma wa randa avale va nyenyako kubiha wa vhikela wutomi wa vale va mthembako, wa va hulukisa manzani ka vabihi.

Masalmo 97:10 Referans Kwoze

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Masalmo 145:20

Mkoma wa va xayisa votshe vale va mrandako; aniko va na fuviswa votshe vaonhi.

Masalmo 34:14

Hambuka ka wubihi, u txi maha ti i ku ta tinene; lava kudikha ngu kutimisela.

Jeremiya 15:21

Ni na kuhulukisa manzani ka vabihi, ni na kutirula manzani ka vanyatshiku.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

2 Vatesalonika 3:2

Hi kombeleleni kambe ti to hi txi poniswa manzani ka vathu vo soholoka, ni vo biha, nguko hi nga votshe va ku ni likholo.

Mavingu 2:8

kasi ku e veketa ditshuri ni wulamuli, ni kuxayisa nzila ya vasawuleki vakwe.

Masalmo 31:23

Randani Mkoma, anu motshenu mi ku sirandwa sakwe! Mkoma a vhikela avale va mthembako, aniko wa tsayisa ngutu avale va mu eyisako.

1 Johani 5:18

Ha tiziva ti to votshe va va nga velekwa ngu Txizimu, kha va hanyeli kuonha, nguko Mwanana wa Txizimu wa va veketa, se m'bihi kha na ku va gwesa.

1 Johani 4:19

Athu hi na ni lirando, nguko txi khatile Txizimu txi hi randa.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

1 Vakorinto 8:3

Aniko, ngako m'thu a txi randa Txizimu, eyo wa ziwa ngu txona.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Mavingu 3:7

U nga ti wone u di txharihile upune; thava Mkoma, kambe hambana ni kubiha.

Masalmo 125:3

Avale va mahako to biha kha va na mbi fuma kala kupinduka ditikoni ka vathu vo lulama, kasiku valulami va si kurumetwi kumaha kubiha.

Masalmo 119:163

Na nyenya makuhu, kha ni ma lavi, aniko ni randa mlayo wako.

Masalmo 91:14

Nguko Txizimu txi kha txona: “Ni na hulukisa vale va ni randako, ni na va vhikela, nguko va ni ziva ti to ni Mkoma.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Varoma 7:24

Dikhombo dangu! I mani a no ni thusa ka mmidi wuwa wa lifo kani?

Varoma 7:15

Nguko ati ni ti mahako kha ni tizivi; nguko kha ni mahi ti ni ti dhundako, aniko ni maha ti ni ti nyenyako.

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Masalmo 119:104

Ngu sileleto sako ni gondile kupima; ngu kota yeto, na nyenya totshe tinzila ta makuhu.

Masalmo 101:3

ni na leka yotshe mithumo yo biha. Na nyenya mithumo ya vabihi; kha ni na mbi tumela kusengela navo.

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Masalmo 121:7

Mkoma a na kuvhikela ka kotshe kubihani; ene Mkoma a na vhikela wutomi wako.

Amosi 5:14

Lavani wunene i si nga wubihi, ti to mi hanya, koneho Mkoma, Txizimu txa Mabutho a Tiyimbi, a na va ni nanu, nga ku mi wombako.