Masalmo 96:5 - Bhiblia Yo Sawuleka

⁵ Sotshe sizimu sa vamatiko kha si vhuni txilo; Mkoma ngene a nga va nga tinzuma.

Masalmo 96:5 Referans Kwoze

Masalmo 115:15

Mkoma, a nga va nga mafu, a na mi katekise, anu motshe!

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Masalmo 135:18

Va na fanane ni sithombe soneso ava va si wumbako ni va va kholwako ka sona.

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

Masalmo 135:15

Sizimu sa vamatiko nza kuwumbwa ngu nzalama ni silivhela, nzimaha sa kukhandwa ngu manza a vathu.

Genesisi 1:1

Kukhatani Txizimu txi vangile nzuma ni mafu.

Masalmo 8:4

nji txani m'thu, kasiku u txi mu alakanya, kani? Ene m'thu wa nyama i mani, kasiku u txi mkhatalela kani?

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.