Masalmo 96:2 - Bhiblia Yo Sawuleka

² embelelani ka Mkoma, mi dhumisa ditina dakwe; ditshiku ni ditshiku dhumisani kuhanyisa kwakwe.

Masalmo 96:2 Referans Kwoze

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Masalmo 71:15

Dotshe ditshiku ni na huwelela ti to u hi hanyisile ni na xawutela mithumo yako ya kululama,

Masalmo 40:10

Kha na sisa mbiluni kwangu sithembiso sako; yotshe mbimo na nuwela kuthembeka kwako ni kuhanyisa kwako. Kha na sisela vathu vako, lirando lako ni kuthembeka kwako!

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Mtuletelo 5:13

Ni ka sotshe sivangwa si si ku nzumani ni ha mafuni ni hahatshi ka mafu ni lineneni ni sotshe si si kuho ani ni si engisile si txi womba, si txi kha sona: “Ka wule a nga khalahatsha txitimwi ka Txikhalo txa Wukoma ni ka Txinvutana, ku na ningwe kubonga, txithavo, wudhumo ni mtamo kala kupinduka.”

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Masalmo 145:10

Awe Mkoma, yotshe mithumo yako yi na kudhumisa ni votshe vasawuleki vako va na ku bonga!

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Masalmo 145:2

Otshe masiku ni na ku bonga. Ni na dhumisa ditina dako kupinduka ni kupinduka.