Masalmo 96:13 - Bhiblia Yo Sawuleka

¹³ tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Masalmo 96:13 Referans Kwoze

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

2 Timoti 4:8

Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Masalmo 96:10

Gelani vathu va dotshe ditiko mi txi khanu: “Mkoma wa mfumeli!” Ngu toneto, mafu ma tsani, kha ma na kudekadekiswa; ene a fuma vathu ngu nzila yo lulama.

Masalmo 67:4

Mifumo yi na giye ngu litsako, nguko awe u fuma vathu ngu kululama kambe wa xayisa mifumo ya ditiko!

Mtuletelo 22:10

Se ngelozi yi engeta yi txi kha yona: “U nga sise ngu kulema mapswi a kuprofeta ka dibhuku diya, nguko mbimo yi hafuhi.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.