Masalmo 96:1 - Bhiblia Yo Sawuleka

¹ Embelelani ka Mkoma ndando ya yiphya; vathu va dotshe ditiko, embelelani ka Mkoma;

Masalmo 96:1 Referans Kwoze

Masalmo 149:1

Dhumisani Mkoma! Embelelani ka Mkoma ndando ya yiphya; m'dhumiseni msengeletanoni ka vasawuleki vakwe.

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Masalmo 33:3

Embelelani kwakwe ndando ya yiphya; vetani ngu wuzivi, mi txi mkulungela!

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Varoma 15:11

Ka wumwani wukhalo kambe: “Anu vamatiko motshe, dhumisani Mkoma; votshe vathu va na m'dhumise.”

Masalmo 68:32

Embelelani ka Txizimu, vathu va mafu, embelelani tindando ka Mkoma.

Masalmo 66:4

Ditiko dotshe da kukhozela di txi kudhumisa ngu tindando; votshe va embelela tindando ka ditina dako.”