Masalmo 95:1 - Bhiblia Yo Sawuleka

¹ Ngonani hi ta dhumisa Mkoma ngu mikulungwani ya litsako; a hi huweleleni m'vhikeli ni muhanyisi wathu.

Masalmo 95:1 Referans Kwoze

1 Vakorinto 10:4

kambe votshe va sete sakusela simweso sa moya; kunene votshe va ti ti sela ka dirigwi da moya, adi di nga ti va londetela. Dirigwi diya i ti Kristu.

Masalmo 81:1

Embelelani, mi dhumisa Txizimu, m'vhikeli wathu! Pekani mikulungwani ya kutsakela Txizimu txa Jakobe!

Masalmo 150:6

Sotshe sivangwa so hanya si na dhumise Mkoma! Dhumisani Mkoma!

2 Samuwele 22:47

Mkoma wa hanya, ku na dhumiswe dirigwi dangu, kambe txi na guletwe Txizimu, dirigwi da kuhanyiswa kwangu!

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Masalmo 100:1

Embelelani ka Mkoma ngu litsako, anu vathu va dotshe ditiko!

Masalmo 34:3

Huwelelani ni nani wuhombe wa Mkoma; a hi embeleleni hotshethu, hi txi m'dhumisa.

1 Makronika 16:9

Embelelani tindando ta ku m'dhumisa, wombawombani ngu mithumo yakwe yo xamalisa.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Masalmo 66:8

Vathu, bongani Txizimu txathu! Embelelani tindando ta ku txi dhumisa!

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Masalmo 118:1

Bongani Mkoma nguko ene mbwa mnene, nguko lirando lakwe la simama kala kupinduka.

Masalmo 117:1

Dhumisani Mkoma anu motshenu mifumo; m'dhumiseni anu motshenu vathu!

Eksodha 15:1

Sekoko ka yona yile mbimo, Mosi ni vanana va ka Israyeli va to embelela ndando yiya ve dhumisa Mkoma, va txi kha vona: Ni na embelela ni dhumisa Mkoma, nguko a gulekile ngutu; A tshotshile lineneni dihantxhi ni m'gadhi wa dona.

Masalmo 107:21

Bongani Mkoma ngu mhaka ya lirando lakwe ni sidiwukiso sakwe a mahelako vathu!

Masalmo 107:15

Bongani Mkoma, ngu mhaka ya lirando lakwe ni sidiwukiso sakwe a mahelako vathu!

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Masalmo 101:1

Ni lava kuembelela lirando ni kululama; ni txi embelela ngu ngawe, Mkoma.

Masalmo 89:26

Ene a na ni dhana, a txi khene: “Awe u tate wangu, u Txizimu txangu, txi txi ni hanyisako ni ku ni vhikela.”

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

2 Makronika 20:28

Va to wulela Jerusalema ni Nyumbani ka Mkoma, va di ni misengele ya vaembeleli, ni tiharipa, ni mipundu.

Masalmo 18:47

Txizimu ngu txona txi ni ningako mtamo wa kuxula, ngu txona txi ni khoziselako matiko, txi ma veka mtamoni kwangu