Masalmo 94:9 - Bhiblia Yo Sawuleka

⁹ Txizimu, txi nga maha tinzeve, kha txi na mbi engisa kani? Txona txi nga maha maso, kha txi na mbi wona kani?

Masalmo 94:9 Referans Kwoze

Eksodha 4:11

Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?

Mavingu 20:12

Nzeve yi yi engisako, ni diso di di wonako, ngu wumbidi wa sona si mahilwe ngu Mkoma.

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Masalmo 34:16

Kuhenya ka Mkoma ku txitimwi ka vabihi, kasiku ve fuva ha ditikoni, ve divalwa.

Isaya 59:1

Wonani taku dianza da Mkoma kha da khwanyela, a ti to di si sikoti kuhanyisa; hambi nzeve yakwe, kha ya tsiveka, ko naza yi tandeka kuengisa.

Ezekhiyele 35:13

Anu mi ti mahile vahombe kwangu; ani ni ti pfite.

1 Vakorinto 12:17

Idiku mmidi wotshe wo va i di diso dwe, hi ndi na engisisa kutxani, kani? Idiku wotshe mmidi wo va i di nzeve dwe, kupfa ka thonvu ku ndi nava ku di hayi kani?