Masalmo 94:8 - Bhiblia Yo Sawuleka

⁸ Anu sipumbu, mi na gonda mbimo muni kani? Anu vathu va mahundwa, mi na ziva mbimo muni, kani?

Masalmo 94:8 Referans Kwoze

Masalmo 92:6

Mabhemba kha ma yi zivi mhaka yiya siphukuphuku kha si yi pimisi.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Masalmo 49:10

Nguko wa ti wona taku titxhari ta fa, kufana ni mabhemba ni sipumbu, va txi siya suma sawe ka vamwani.

Varoma 3:11

Kha ku nga ni wu a ku ni mapimo, kha ku nga ni wu a lavako Txizimu.

Mavingu 12:1

Awu a randako kukawukwa a randa wuzivi, aniko awule a vengako kulaywa njiphukuphuku.

Dhewuteronome 32:29

Idiku va txharihile, nga va txi ti pfisisa, nga va txi ziva kupimisa ta mangwana ni ta magwito awe!

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Mavingu 8:5

Pfisisani anu vo mbi na wutxhari, ni wuzivi; ni nanu siphukuphuku pfisisani ngu mbiluni.

Masalmo 73:22

ni manekile ni di txipumbu ni si zivi txilo. Ni txi nga no va txihari masoni kwako!

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?