Masalmo 94:6 - Bhiblia Yo Sawuleka

⁶ Va daya tinoni ni vo felwa ngu vaveleki, kumweko ni valuveli va va ku ditikoni kwathu.

Masalmo 94:6 Referans Kwoze

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Jeremiya 7:6

ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe;

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”