Masalmo 94:23 - Bhiblia Yo Sawuleka

²³ A na maha ti to vabihi ve loviswa ngu sionho sawe, a na va fuvisa ngu konaho ka wubihi wawe. Mkoma, Txizimu txathu, a na va fuvisa!

Masalmo 94:23 Referans Kwoze

Masalmo 7:16

Wubihi wakwe ni tshofu yakwe si na wele txitimwi ka msungo wakwe.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Mavingu 2:22

Aniko vaonhi va na dulwa ha mafuni, ni vakanganyisi va na lumbwa ngu kufuviswa.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Masalmo 64:8

va na wiswa tingana ngu mapswi awe mapune se avale va no va wona va na va tseketsela.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Dhaniyeli 7:24

Se ngu ka titxheho tile ta digumi, ngu ka mfumo wonewo wawumwewo ku na emiswa digumi da vafumeli; msana ka kwawe ku na emiswa mmwani, wule a no hambana ni vale vo khata, e wisa vafumeli vararu.

Ezekhiyele 18:24

Aniko ngako m'thu wo lulama a txi leka kululama kwakwe, se a txi maha ta kwa mbi lulama, a txi maha totshe ta manyala tile ti mahwako ngu m'bihi, ina a nga hanya kani? Kotshe kululama kule a nga kumaha, kha ku na mbi alakanywa; wuhambunyeti wu a nga hambunyeta ngu wona, ni txionho txile a nga txi maha, a na fela ka sona.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Masalmo 12:3

Va fuvise, Mkoma, vakanganyisi, ni votshe vale va wombawombako ngu kutikulisa,

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.

2 Vafumeli 19:7

Wona ati to ni na thela moya kwakwe, se ene a na pfa diguwa, a na tshumelela ditikoni kwakwe; ngu ditxhari ni na mmaha ewa ditikoni kwakwe.

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Masalmo 109:20

Mkoma a na tsayise nga toneto valala vangu, ni vale va wombawombako kubiha ngu ngani!

Mavingu 5:23

Ene a na fa nguko kha londeta silayelo, kambe a na mwalatwa ngu kutala ka tinzila takwe ta walo.

Jeremiya 36:31

Ni na tsayisa ene ni liveleko lakwe ni sithumi sakwe ngu mhaka ya wubihi wawe; ni na tisa txitimwi kwawe ni txitimwi ka vazumbi va Jerusalema ni txitimwi ka vathu va ka Judha, makhombo otshe awa ni nga ma womba txitimwi kwawe, aniko kha va engisa.