Masalmo 94:2 - Bhiblia Yo Sawuleka

² Awe, u ku mlamuli wa ditiko, khukha u txi ninga va va kutikulisa, txhatxhazelo yi va fanelako ku yi amukela!

Masalmo 94:2 Referans Kwoze

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Masalmo 31:23

Randani Mkoma, anu motshenu mi ku sirandwa sakwe! Mkoma a vhikela avale va mthembako, aniko wa tsayisa ngutu avale va mu eyisako.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Mika 5:9

Dianza dako di na guleka txitimwi ka valala vako, se votshe valala vako va na loviswa.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Isaya 37:29

Ngu mhaka ya ku ni henyela kwako, niku kutithemba kwako ku pfate tinzeveni kwangu, wona taku, ni na vekela tximemba txangu thonvuni kwako, ni matomu angu txisofuni kwako, ni kutshumeta ngu nzila yi u ngata ngu yona.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Masalmo 74:22

Wuka awe Txizimu, vhikela mhaka yako! Alakanya ti to vathu vo mbi ziva va kuonhela yotshe mbimo!

Masalmo 68:1

Mbimo yi Txizimu txi wukako, valala va txona va hangalaka; avale va txi zondako va txi thava;

Masalmo 50:6

Hambi tinzuma ti na huwelela ti to Mkoma a lulamile, nguko Txizimu ngu txona txi lamulako.

2 Makronika 20:12

Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

Masalmo 82:8

Ngono, Txizimu, u ta lamula mafu, nguko otshe matiko ma lumba awe!