Masalmo 94:12 - Bhiblia Yo Sawuleka

¹² A katekile m'thu wule u mkawukako awe Mkoma, ni wule u um'gondisako mlayo wako,

Masalmo 94:12 Referans Kwoze

Jobe 5:17

Wona taku a katekile wamwamna wule a tsayiswako ngu Txizimu; sekoko u nga kanyise txitsayiso txa wule wa Mtamo-Wotshe.

1 Vakorinto 11:32

aniko, hi txi lamulwa ngu Mkoma, ha tsayiswa kufela ku hi si abaniswi kumweko ni ditiko.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Masalmo 119:71

Ndinene ni nga mana kutsayiswa, kasi ku ni gonda silayelo sako.

Masalmo 119:67

Mbimo yiya ni nga sinzi kuxaniseka, ni ti lekile nzila ya yinene; aniko konkuwa na londeta dipswi dako.

Dhewuteronome 8:5

Ngu mhaka yeto, ti zive mbiluni kwako ti to Mkoma, Txizimu txako, a na kutsayisa, kufana ni m'thu a layako mwanana wakwe.

Mika 6:9

Dipswi da Mkoma da huwelela didhoropani, se txhari yi na wona ditina dako: Engisani ndonga ni wu a nga yi ruma.