Masalmo 94:10 - Bhiblia Yo Sawuleka

¹⁰ Awule a layako mifumo, kha na mbi yi tsayisa, kani? Ene ngene a gondisako vathu wuzivi!

Masalmo 94:10 Referans Kwoze

Jobe 35:11

Atxi txi hi mahako vo ziva kupinda sihari sa ha mafuni ni ku hi maha vo txhariha ngutu kupinda sinyana sa nzuma kani?

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

Habhakuki 3:12

Ngu kupandiseka u tsimbilatsimbite ha mafuni, ngu txiviti u kandetete matiko.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Ezekhiyele 39:21

Kambe ni na veka wudhundo wangu hagari ka matiko. Se otshe matiko ma na wona wulamuli wangu, awu ni nga wu maha, ni dianza dangu, na ni ti di sanzekile txitimwi kwawe.

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Masalmo 119:66

Ni gondise kululama kha kwati, ni wuzivi, ina, nguko ni khotwe ka milayo yako.

Masalmo 10:16

Mkoma wa fuma kala kupinduka; mahedheni ma na humiswe ditikoni kwakwe.

Masalmo 9:5

U kawukile mahedheni, u lovisile vabihi, u pfhita matina awe, kala kupinduka.

Masalmo 149:7

kasi kuphota ka vathu va matiko ni kutsayisa mifumo,

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?