Masalmo 93:1 - Bhiblia Yo Sawuleka

¹ Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Masalmo 93:1 Referans Kwoze

Masalmo 96:10

Gelani vathu va dotshe ditiko mi txi khanu: “Mkoma wa mfumeli!” Ngu toneto, mafu ma tsani, kha ma na kudekadekiswa; ene a fuma vathu ngu nzila yo lulama.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

1 Makronika 29:12

Se tithomba ni wudhumo si ta ngu kwako, awe wa fuma txitimwi ka sotshe, mtamo ni wukoma si manzani kwako; wa kulisa ni kuninga mtamo ka sotshe ngu manza ako.

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Masalmo 65:6

Awe wa tsanisa mimango ngu wukoma wako ni mtamo wako.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Masalmo 97:1

Mkoma wa fuma. Ma na tsake mafu! Si na tsake sitondolo ngu wungi wa sona!

Masalmo 59:13

Va daye, va fuvise kuhenyani kwako, kasi ku va si swi ve hanya! Va na ti zive tito, Txizimu txa fuma ka va ka Israyeli, ni ti to txona txa fuma, ka dotshe ditiko!

Vahebheru 1:8

Kambe ngako txi txi womba ngu Mwanana, Txizimu txi wombisa tiya: “Txiluvelo txako, awe Txizimu, txi tsani kala kupinduka, se ndonga yako ya wukoma i ndonga ya kululama.

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Isaya 49:8

Mkoma a womba tiya: Ni ku engisile ngu mbimo ya yinene, ni kuvhuni ngu ditshiku da kuhanyiswa, ni na kuxayisa, ni na kumaha txitumelelano ka vathu kasi ku u na wusa ditiko ni kuvaninga kuva tithomba tawe tile ti nga xaselwa;

Isaya 11:5

Se kululama ku nava libhandi la txiwunu txakwe, se ditshuri di na va libhandi la tithso takwe.

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Masalmo 18:32

Txizimu ngu txona txi ni mahako wa mtamo ngu txona txi mahako nzila yangu yi va yo hetiseka.

Jobe 40:10

Ti bombise koko ngu kuenela ni kuguleka; u txi ti ambeka kuthaviseka ni wudhumo.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Isaya 52:7

Hi nga kutshura ka yona txitimwi ka mimango mikondo ya wu a zivisako mahungu amanene, a wu a huwelelako kudikha, a zivisako wunene, a pfalisako kuhanyisa, a ku khene ka Siyoni: “Txizimu txako txa fuma.”

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Masalmo 75:3

Ngako ditiko di txi tsekatseka, kumweko ni sotshe sivangwa si ku ka dona, ani ni na tsanisa tiphande ta dona.”

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

1 Makronika 16:30

Dhudhumela masoni kwakwe; otshe mafu ma na dhudhumele masoni kwakwe; se mafu ma na tsana, kasi ku ma si zinginiswe.

1 Makronika 16:31

Yi na tsake nzuma; ni mafu ma na peke mikulungwane; se ti na wombwe hagari ka vathu taku: Mkoma wa fuma.

Masalmo 65:7

Awe wa malata kubhonga ka mati a linene, ku gobhoza ka mavimbi ni diguwa da vathu.