Masalmo 92:9 - Bhiblia Yo Sawuleka

⁹ Kha ditshuri, Mkoma, valala vako va na fuviswa, votshe vabihi va na hangalaswa.

Masalmo 92:9 Referans Kwoze

Masalmo 37:20

Aniko vaonhi va na fuva; valala va Mkoma va na hya kufana ni mwasi wa kuoma va na hangalaka kufana ni wutshi.

Masalmo 89:10

U ganyatete Rahabhi txingongongo txa lineneni, u txi daya; ngu mtamo wako wa hombe u hangalasile valala vako.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Luka 19:27

Se valala vangu, ava va nga mbi ti lava ku ni va fuma, va tiseni hawa, mi va daya masoni kwangu.’ ”

Matewu 7:23

Konaho, ani ni nata va gela ha kubasani ni txi khani: ‘Txima kha na mi ziva; hambukani kule ni nani, anu vamahi va sionho.’ ”

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Masalmo 73:27

Nguko ava va zumbako kule ni nawe va na lova; awe wa va fuvisa votshe vale va ku phikizako.

Masalmo 68:30

Kawuka mawuti a titshavani, mtxhambi wa hombe wa tikuzi ni marole a kona a vathu va ganyatelako siya sawe sa silivhela ngu mikondo ve hangalasa vathu va va dhundako yimbi!

Masalmo 59:11

Mkoma, u nga va daye, kasiku vathu vangu va si divali; va hangalase u txi va xowokisa ngu mtamo wako. Mkoma, awe u m'vhikeli wathu!

Masalmo 1:4

Kasi hi nga toneto vabihi; vona va fana ni mwasi wu wu huhiswako ngu diphuho.

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Mitengo 10:35

Mbimo yi koko dibhokiso di nga ti khukha, Mosi a ti ti khene: “Wuka Mkoma, valala vako va na hangalaswe, ni va va ku vengako, va na thave masoni kwako.”

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Masalmo 97:9

Nguko awe, Mkoma, u mfumeli wa otshe mafu, u txitimwi ngutu ka sotshe sizimu.

Masalmo 102:13

Wuka, Mkoma, telwa ngu wumbilu ngu Siyoni; se i mbimo ya ku m'divalela! Txi hokile txikhati txa kona!

Masalmo 102:25

U mahile mafu kukhukhela makhatoni; ngawe upune u nga va nga tinzuma.