Masalmo 92:6 - Bhiblia Yo Sawuleka

⁶ Mabhemba kha ma yi zivi mhaka yiya siphukuphuku kha si yi pimisi.

Masalmo 92:6 Referans Kwoze

Masalmo 73:22

ni manekile ni di txipumbu ni si zivi txilo. Ni txi nga no va txihari masoni kwako!

Masalmo 94:8

Anu sipumbu, mi na gonda mbimo muni kani? Anu vathu va mahundwa, mi na ziva mbimo muni, kani?

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Masalmo 49:10

Nguko wa ti wona taku titxhari ta fa, kufana ni mabhemba ni sipumbu, va txi siya suma sawe ka vamwani.

1 Vakorinto 2:14

Nguko m'thu wuwa i ku si nga wa Moya kha na ku engisisa asi i ku sa Moya wa Txizimu, nguko kwakwe timhaka tiya a ti wona i di wupumbu. Ene kha sikoti ku ti engisisa nguko tona ti pimwa ngu mapimiselo a Moya.

Jeremiya 10:14

Ngako va txi si wona vathu ve ema, va txi kaye, va si zivi txilo, ni vamahi va nzalama ve wiswa tingana ngu sifananiso sawe so vatwa; nguko sifananiso sawe makuhu, kha si nga ni dihika.

Mavingu 24:7

Wutxhari wu txitimwi ngutu, kha wu manelwi ngu txiphukuphuku; txi tandeka ni kutula txisofu banzani.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Mavingu 30:2

Ngu ditshuri ani kha ni zivi txilo kupinda votshe; kha ni nga ni mapimo a wuthu,

Masalmo 32:9

U nga ti mahe ku nga dihantxhi mwendo ku nga mbongola, asi si ku si nga ni mapimo, asi si lavako dijoke ni matomu, kasiku u sikota ku si ñola ngu hafuhi.”

Masalmo 14:1

Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

Masalmo 75:4

Ni ti khani ka sipumbu: Mi nga ti maheni sipumbu; Ni ka vaonhi ni ti khani: “Mi nga ti maheni sihwiri!”

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Masalmo 139:14

Na ku bonga, nguko u ni wumbile ngu nzila ya kuxamalisa, mithumo yako ya diwukisa. Moya wangu wa tiziva kwati.

Isaya 28:29

Hambi tiya, tita ngu ka Mkoma wa Mabutho a Tiyimbi, nguko wa xamalisa ngu silayelo, kambe mbwa hombe ngu mithumo.

Isaya 55:9

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.