Masalmo 92:2 - Bhiblia Yo Sawuleka

² Ndinene kuhuwelela wumbilu wako ni mixo ni kunuwela ditshuri dako ni wusiku,

Masalmo 92:2 Referans Kwoze

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Masalmo 42:8

Aniko Mkoma a na ni rumela lirando lakwe, di di txite, kasiku ni txi m'dhumisa ngu lindando, di di swite, mkombelo ka Txizimu txi txi ni ningako wutomi.

Mithumo 16:25

Hagari ka wusiku, Paulo ni Silasi va ti khongela, ve embelela tindando ta kudhumisa Txizimu; se ava va nga ti seketwe navo va to va engisa.

Masalmo 71:15

Dotshe ditshiku ni na huwelela ti to u hi hanyisile ni na xawutela mithumo yako ya kululama,

Masalmo 145:2

Otshe masiku ni na ku bonga. Ni na dhumisa ditina dako kupinduka ni kupinduka.

Jobe 35:10

Aniko ni wammweyo kha wombi ku khene: Txi hani Txizimu txi txi nga ni va nga kani? Txi ningako kuembelela ni wusiku kani?

Masalmo 77:2

Mbimo ya sikarato, na kombela ka Mkoma; ni wusiku, na guleta manza angu ni txi khongela, ni si karali; moya wangu kha wu mani thavelelo.

1 Makronika 25:1

Se Dhavhidha kumweko ni vathangeli va dibutho da tiyimbi, va to sawula vanana va Asafe ka mthumo wa wukhozeli, ni vanana va Hemani, ni va Jedhutumi, kasi kuva txi embelela ngu tiharipa, ni timbila, ni tingoma; awuwa mtengo wa vathu vale va nga vekwa ka mthumo wa wukhozeli:

Masalmo 9:3

Valala vangu va tutuma masoni kwako, va humbwa, ve wa, va txi fa.

Masalmo 101:1

Ni lava kuembelela lirando ni kululama; ni txi embelela ngu ngawe, Mkoma.

Masalmo 147:1

Dhumisani Mkoma! Nguko ndinene kuembelela hi dhumisa Txizimu txathu; Atiya ta tsakisa, kudhumisa Txizimu ngu fanelo.