Masalmo 92:13 - Bhiblia Yo Sawuleka

¹³ Kufana ni mindonga yi yi nga phaywa m'tini ka Mkoma, ene a na kula ha mthandani ka Txizimu txathu.

Masalmo 92:13 Referans Kwoze

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Vaefesu 3:17

ni ti to Kristu a txi aka timbiluni kwanu ngu kukholwa, kufela ku lirando li txi maha mkoloti wa kutsanisa dihanyo danu.

Varoma 6:5

Nguko, ngako hi nga tshanganiswa kumweko nayo ngu lifo la kufana ni lakwe, ngu toneto hi na fananiswa nayo kambe ngu kuwuka ka vakufa ko fana ni kwakwe.

Masalmo 100:4

Wulelani dithepeleni kwakwe mi txi bonga; wulelani siluveloni kwakwe, na mi txi embelela; mu dhumiseni mi bonga ditina dakwe!

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Masalmo 116:19

siluveloni ka Nyumba ya Mkoma, hagari kwako awe Jerusalema! Dhumisani Mkoma!

Masalmo 135:2

anu mi ku Nyumbani ka Mkoma, magumani ka Nyumba ya Txizimu txathu.

2 Makronika 4:9

E maha diguma da vaphaxeli ni diguma dimwani da hombe ni matimba a dona, ema bhama ngu koporo.

Varoma 11:17

Se ngako madhavi okari ma di phatutwe, se awe u ku didhavi da muolivhera wa txitinga u nga ta txhomekwa ha wukhaloni ka ona, u va u sengela nawo kudyiswa ngu ndome ya mkoloti wa muolivha wa m'tini,

Esteri 9:4

Nguko Mordhekayi i ti ti wa hombe nyumbani ka mfumeli, ni wudhumo wakwe wu pfate ka otshe matiko a hombe; nguko wamwamna wule Mordhekayi a ti ti ya masoni ngu kukula.

Ndando ya Tindando 4:11

Mahesa a wulombe ma khulunga ha txisofu kwako, awe msikati wangu! Wulombe ni masi si hahatshi ka lidimi lako, se kubhumula ka syambalo sako, nga ka Libhanoni.

Ndando ya Tindando 5:15

Minenge yakwe yi fana ni tiphande ta marigwi, ti ti nga zimekwa txitimwi ka siparako sa nzalama yo hehuka; a wonekisa ku nga Libhanoni, ni wunene nga mikedhari.

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.