Masalmo 91:2 - Bhiblia Yo Sawuleka

² Ni na khani: Mkoma Ngene Txizimu txangu, mbuthavelo wangu, mkhokhola wangu, ni na themba kwakwe!

Masalmo 91:2 Referans Kwoze

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Masalmo 142:5

Ni dite kwako awe Mkoma, ni txi khani: “Awe ngawe wuthavelo wangu; kambe u thomba yangu ka mafu ya va va hanyako!”

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 71:3

Awe maha m'vhikeli wangu ni wuthavelo wangu, awe u nga thembisa ku ni vhuna yotshe mbimo. Awe u dirigwi dangu ni mkhokhola wangu!

Masalmo 14:6

Anu mi vhinganyisela makungo a txisiwana, aniko Mkoma mbuthavelo wa txona.

Masalmo 91:9

Nguko awe Mkoma, ngawe wuthavelo wangu! Nyatxitimwi mbukhalo wako wo zumba ka wona.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Masalmo 48:14

“Nguko Txizimu txiya, ngu txona Txizimu txathu kala kupinduka. Ngu txona txi no hi thangela kala kufani!”

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Luka 20:38

Ngu toneto, Txizimu hi nga Txizimu txa vafi, aniko nja va vo hanya, nguko ka txona votshe va hanya.”

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Masalmo 43:4

Konako ni na wulela txiluveloni kwako, awe Txizimu, awe u ku litsako langu; koneyo ni na kudhumisa ngu kuveta ka haripa, nguko awe ngawe Txizimu txangu.

Masalmo 18:3

Ni na khumbuka ditina da Mkoma, di dinganako kudhumiswa, se ni na txhatxhiswa ka valala vangu.

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Masalmo 31:15

Wotshe wutomi wangu wu manzani kwako; ni hulukise ka valala vangu va ni hingako!

Masalmo 46:2

Ngu toneto, kha hi thavi txilo, hambi mafu ma txi dekadekiswa, hambi mimango yi txi mitwa ngu linene.

Masalmo 61:5

Awe koko Txizimu, u engisile sixambanyo sangu u amukete txikombelo txa vale va ku dhumisako.

Masalmo 142:6

“Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.