Masalmo 90:8 - Bhiblia Yo Sawuleka

⁸ Awe u vekile sionho sathu masoni kwako wa landula sionho si hi nga si maha kusisalani.

Masalmo 90:8 Referans Kwoze

Jeremiya 16:17

Nguko maso angu ma ti wonetela tinzilani kwawe kotshe; kha va sisala masoni kwangu, ni si onho sawe kha si sisaleki masoni kwangu.

Ekleziyaste 12:14

Nguko Txizimu txi na yisa mithumo yotshe kulamulwani, ni yotshe yi yi ku kusisalani, mwendo ya yinene, mwendo njo biha.

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

Masalmo 19:12

I mani waku a nga wona sionho sakwe apune kani? Ni divalele, Mkoma, sionho si ni si si woniko!

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

1 Johani 3:20

Ngako yona mbilu yathu yi txi hi mangala, Txizimu nja hombe kupinda timbilu tathu, kambe Txizimu txa ziva totshe.

Masalmo 10:11

Ngu msana, a womba mbiluni kwakwe, a txi khene: “Txizimu txa divala, txa sisa khohe ya txona, kha txi woni txilo.”

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Varoma 2:16

Ngu tona tiya ti nota humelela ngu ditshiku diya Txizimu txi nota lamula, ngu Jesu Kristu, sikungo sa vathu nga kuwomba ka Evhangeli yi ni yi txhumayelako.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Mavingu 5:21

Nguko tinzila ta m'thu ti wonwa ngu maso a Mkoma, kambe ene wa xaxameta totshe tinzila ta m'thu.

Masalmo 80:16

Avale va nga ganga mndonga wuwa, va txi wu hisa, va fuvise ngu kuhenya kwako.

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

Jobe 34:21

Nguko maso a Txizimu ma wonetela dihanyo da m'thu ni m'thu, kambe txa wona kotshe mu hi kandako kona.

Levhi 4:23

mwendo txionho txile a nga txi maha, txi txi ziwa, sekoko a tisa mabhongwe wo tekwa hagari ka tiphongo, kasi ku ta maha mphaxo wa kuthavisa txionho.

Levhi 4:28

Ngako va txi mkomba txionho txi ene a nga txi maha; sekoko na tisa mningelo wa maha mhamba yo kuwula txionho txakwe ngu phongo ya mkati, yo mbi na wulima.

Jobe 10:14

Ngako ni txi onha, awe wa ni wona; ka wubihi wangu, khu na mbi ni divalela.

Masalmo 109:15

Sionho sa vaveleki vakwe si na woneke yotshe mbimo masoni ka Mkoma aniko Txizimu txi na fuvise lihunzu lawe ha mafuni!

Jeremiya 2:22

Hambi u nga samba ngu mirende, u pupumisela sephu yayingi, wubihi wako wu na woneka masoni kwangu, Ngene apune Mkoma a wombako.