Masalmo 90:12 - Bhiblia Yo Sawuleka

¹² Hi gondise kubala masiku athu, kasiku timbilu tathu ti mana wutxhari.

Masalmo 90:12 Referans Kwoze

Masalmo 39:4

“Mkoma, ni zivise magwitelo angu; ni mtengo wa masiku angu, kasiku ni ziva ti to ni mpindi!”

Johani 9:4

Ta laveka ti taku ani ni maha mithumo ya wule a nga ni ruma, na i di ngadi mitshikari; wusiku wata, ahawa m'thu asi sikotiko kuthuma txilo.

Dhewuteronome 32:29

Idiku va txharihile, nga va txi ti pfisisa, nga va txi ziva kupimisa ta mangwana ni ta magwito awe!

Mavingu 4:7

Wutxhari ngu txona tximaha txo khata; wu mane koko, wutxhari; ina, mana wuzivi ngu sotshe si u ku naso.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mavingu 23:12

Ningetetela mbilu yako kulaywani, ni tinzeve tako ka mapswi a wuzivi.

Mavingu 22:17

Riya nzeve u engisa mapswi a titxhari, mbilu yako yi na londise wuzivi wangu.

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Mavingu 4:5

Mana wutxhari, mana mapimo, u nga divale hambi kuhambana ni mapswi a txisofu txangu.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Mavingu 23:23

Xava wunene, aniko u nga wu xavise; ina, wutxhari, gondo, ni kupimisisa.

Masalmo 39:5

U ni ningile kuhanya masiku amadotho ngutu; masiku a kuhanya kwangu hi nga txilo masoni kwako. M'thu, hambi a txi tipfa a di tsani i mbukanganyisi wo gwita!

Ekleziyaste 7:2

I txhuko kuya nyumbani ka madila, kupinda kuya nyumbani ka m'buso wa hombe, nguko nguho ku wonekako magwito a votshe vathu; se ni vale va hanyako va fanela kutipima timbiluni kwawe.