Masalmo 90:10 - Bhiblia Yo Sawuleka

¹⁰ Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.

Masalmo 90:10 Referans Kwoze

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Masalmo 78:39

Txizimu txi alakanyile ti to vona nziwumbwa sa nyama dwe, va fana ni moya wu wu pindako wu si wuyi kambe!

2 Samuwele 19:35

Nyamsi ni ni mtxhanu wa magumi ni magumi mararu a malembe, ina ni nga sikota kuhambanisa to biha ni ta tinene kani? Ina txithumi txako txi nga sikota kupfa kutshamba ka sile txi dyako ni kusela kani? Ina ani ni nga engisa mapswi a vaembeleli va vavamna ni vavasikati kani? Se txithumi txako txi nga rwekela txani kambe kunemela mfumeli, nyamne wangu, kani?

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Dhewuteronome 34:7

Mosi a ti ti ni 120 wa malembe, mbimo yi a nga fa; maso akwe ma sa nga karala, ni mtamo wu sanga pwateka kwakwe.

1 Vafumeli 1:1

Mbimo yile mfumeli Dhavhidha a nga ti kumbile, a di gumetwe ngu masiku, a txi fenengetwa ngu tinguwo, aniko asi futumeli.

Jobe 24:24

Va guleka ngu mbimo yayidotho, ve kuluveta kumwalala; va wuna kufana ni votshe vamwani, se ve wilwa kufana ni titshoka ta m'buru.

Jobe 14:10

Aniko a txi fa m'thu, wa guma, ina, a di ningete muhefemulo wakwe m'thu, ahani kani?

Isaya 38:12

Mbimo ya kuhanya kwangu yi tsute, se yi thavisilwe kwangu, kufana ni m'dhuti wa m'dyisi; ni wite kufana ni mluki wutomi wangu; ku nga no wilwa ka txo lukwa; kukhukhela ni mixo kala minova, u na ni heta.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Jobe 20:8

A puruma kufana ni mloro, kha na mbi manwa, kambe a na tutumiswa kufana ni txiwoniso txa ha wusikuni.

Genesisi 6:3

Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Levhi 27:7

Se ngako i di wa tanga ya mtxhanu wa magumi ni dimwedo a malembe ni kuya masoni, ku nava ka male ya digumi da maxekele ni mtxhanu, ngako i di wamwamna, i male ya digumi da maxekele, ngako i di wamsikati.

Joxuwa 14:11

Ni konkuwa, nyamsi ni ngadi tsani kufana ni ditshiku dile Mosi a nga ni ruma, mtamo wangu wa nyamsi, wu fana ni mtamo wangu wa kale, kasi kuya kulwani, kuhuma ni kuwuya.

2 Samuwele 19:36

Txithumi txako txi na txhatuka ka kudotho Jordhani kumweko ni mfumeli; ana ni bongela txani mfumeli ngu mabongelo awa kani?

Jobe 5:7

Aniko m'thu a veleketwe kuxaniseka, ku nga titshatsha ta mndilo ti khukhako ti puruma.