Masalmo 90:1 - Bhiblia Yo Sawuleka

¹ Mkoma, awe u wuthavelo wathu ka liveleko ni liveleko.

Masalmo 90:1 Referans Kwoze

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Masalmo 71:3

Awe maha m'vhikeli wangu ni wuthavelo wangu, awe u nga thembisa ku ni vhuna yotshe mbimo. Awe u dirigwi dangu ni mkhokhola wangu!

1 Johani 4:16

Se athu hi li zivile ni ku li tumela lirando li Txizimu txi ku nalo ni nathu. Txizimu lirando; awu a zumbako lirandoni, a zumba ka Txizimu, se Txizimu txi zumba kwakwe.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Ezekhiyele 11:16

Ngu kumaha keto, va gele ku khawe: Mkoma Txizimu a womba a khene: Hambiko ni nga va tshotsha kule hagari ka matiko, ni ku ni nga va hangalasa ka matiko, hambi keto, ni na va wukhalo wawe wo sawuleka, ka mbimo yayidotho, ka ona matiko ale va nga ya ka ona.

Johani 6:56

Awu a dyako mmidi wangu, a txi sela ni mnoha wangu, a zumba kwangu, se nanani ni zumba kwakwe.

Masalmo 91:9

Nguko awe Mkoma, ngawe wuthavelo wangu! Nyatxitimwi mbukhalo wako wo zumba ka wona.

Masalmo 89:1

Awe Mkoma, ni na embelela lirando lako, kala kupinduka; ni na huwelela kuthembeka kwako ka liveleko ni liveleko.

Isaya 8:14

Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

1 Vafumeli 13:1

Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.