Masalmo 9:9 - Bhiblia Yo Sawuleka

⁹ Mkoma mbuthavelo wa va vo xaniswa, mbuthavelo ka mbimo yo pandiseka.

Masalmo 9:9 Referans Kwoze

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Masalmo 32:7

Awe u wuthavelo wangu; Awe wa ni xayisa kuxanisekani; Awe wa ni tsanisa ngu tindando To tsanikisa ti txhatxhisako.

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Masalmo 37:39

Kuhanyiswa ka valulami kuta ngu ka Mkoma, ngene wuthavelo wawe ka timbimo ta sikarato.

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Luka 13:34

Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava.

Isaya 8:14

Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

Masalmo 20:1

Mkoma a na ku engise ka ditshiku da kupandiseka; Ditina da Txizimu txa Jakobe di na ku vhikele.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Masalmo 108:12

Hi vhune kuxula valala vathu, nguko txivhuno txa vathu kha txi nyawuli.

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Masalmo 48:3

Txizimu, txi txi ku mikhokholani ka txona, txi ti wonekisile kota wuthavelo wo tsana.

1 Makronika 16:33

Sekoko yotshe mindonga ya txitinga yi na embelela ngu kutsaka masoni ka Mkoma; nguko wata ku ta lamula mafu.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Masalmo 67:5

Vathu, va na ku dhumise, awe Txizimu! Va na ku dhumise vathu votshe!

Masalmo 96:10

Gelani vathu va dotshe ditiko mi txi khanu: “Mkoma wa mfumeli!” Ngu toneto, mafu ma tsani, kha ma na kudekadekiswa; ene a fuma vathu ngu nzila yo lulama.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.