Masalmo 9:7 - Bhiblia Yo Sawuleka

⁷ Aniko Mkoma a na fuma yotshe mbimo. Ene a longisete txikhalo txakwe txa wulamuli.

Masalmo 9:7 Referans Kwoze

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

2 Pedro 3:8

Ku ni mhaka ya yimweyo mi si faneliko ku yi divala: Ditshiku da dimwedo masoni ka Mkoma di fana ni digumi da mazana a malembe, ani digumi da mazana a malembe ma fana ni ditshiku da dimwedo.

Vahebheru 13:8

Jesu Kristu ngeneyo wammweyo, nyamnova, nyamsi ni yotshe mbimo.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Masalmo 102:12

Aniko awe, Mkoma, u mfumeli yotshe mbimo; ditina dako di na alakanywa ka liveleko ni liveleko!

Masalmo 89:14

Mfumo wako wu tsanisilwe ngu kululama ni ditshuri, lirando ni ditshuri si ni nawe masoni kwako.

Masalmo 90:2

Na ku sinzi kuhumelela mimango, ku sinzi kumaheka mafu ni ditiko dotshe, kukhukhela ka kale, kala kupinduka, awe u Txizimu!