Masalmo 9:2 - Bhiblia Yo Sawuleka

² Ni na tsaka ngu litsako la hombe ngu ngawe, ni na embelela tindando ta kudhumisa ditina dako, awe Txizimu Nyatxitimwi.

Masalmo 9:2 Referans Kwoze

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 5:11

Kambe va na tsake votshe avale va thavelako kwako, va na giye yotshe mbimo, nguko awe wa va vhikela, kambe va tsaka ngu ngawe. Avale va randako ditina dako, va ku tsakelako.

Masalmo 7:17

Ni na dhumisa Mkoma ngu mhaka ya kululama kwakwe: Ni na embelela ni dhumisa Mkoma Nyatxitimwi.

Masalmo 97:9

Nguko awe, Mkoma, u mfumeli wa otshe mafu, u txitimwi ngutu ka sotshe sizimu.

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Masalmo 97:12

Anu vathu vo lulama, tsakani ka Mkoma, mi txi dhumisa ditina dakwe do sawuleka!

Masalmo 92:1

Ti ni fanelo ku kubonga, awe Mkoma, ti ni fanelo ku kudhumisa ngu tindando, awe Nyatxitimwi!

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Masalmo 92:4

Mithumo yako ya hombe, Mkoma, ya hi tsakisa! Mithumo yako ya hi ninga kuembelela ngu yotshe mbilu.

Masalmo 43:4

Konako ni na wulela txiluveloni kwako, awe Txizimu, awe u ku litsako langu; koneyo ni na kudhumisa ngu kuveta ka haripa, nguko awe ngawe Txizimu txangu.

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

Masalmo 26:7

na ni txi embelela tindando ta kudhumisa, ni txi huwelela sotshe sidiwukiso sako.

Masalmo 86:12

Ni na kudhumisa, Mkoma, Txizimu txangu, ngu yotshe mbilu yangu; ni na pfalisa ditina dako kala kupinduka,

Masalmo 96:3

Huwelelani nduma yakwe ka yotshe mifumo mi rurutela sidiwukiso sakwe ka totshe tixaka ta vathu,

Masalmo 138:1

Na bonga, Mkoma, ngu yotshe mbilu yangu; na embelela wudhumo wako masoni ka tingelozi.