Masalmo 9:18 - Bhiblia Yo Sawuleka

¹⁸ Kambe awu i ku txisiwana kha na mbi divalwa yotshe mbimo, ni kuthemba kwakwe kha ku na mbi luza ka yotshe mbimo.

Masalmo 9:18 Referans Kwoze

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Mavingu 23:18

Nguko u na va ni magwito amanene; themba yako kha yi na mbi lova.

Mavingu 24:14

Wu na nga toneto wuziva wa wutxhari dihikani kwako; ngako u txi wu mana, ku nava ni hakhelo kwako, kambe khu na mbi komiselwa kuverela kwako.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Masalmo 102:20

kasiku engisa kuvilela ka tikhumbi ni kuhulukisa avale va nga abaniselwa kufa.

Luka 6:20

Jesu a to gula maso a txi wona vagondiswa vakwe, a txi khene: “Mi katekile anu sisiwana, nguko Mfumo wa nzumani mbwanu.

Luka 1:53

Avale va nzala a va khurisile ngu sa sinene, e hangalasa avale va kutithemba, na va si nga ni txilo manzani.

Masalmo 109:31

Ene i m'vhikeli wa sisiwana wa si hulukisa ka vale va lavako ku si daya.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.

Masalmo 72:4

Mfumeli a na vhikele sisiwana sa ditiko; e vhuna sisiwana ni kuganyatela vaxanisi!

Masalmo 71:5

nguko awe, Mkoma, kukhukhela ha wananani kwangu u kuverela kwangu ni themba yangu.

Masalmo 9:12

Ene a alakanyela ava va xuphekako a txi va xayisa kha divali huwa ya va va xaniswako.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Masalmo 139:19

Txizimu, fuvisa avale va mahako kubiha, anu sigevenga, hambukani mi tsula kule ni nani.