Masalmo 9:17 - Bhiblia Yo Sawuleka

¹⁷ Vathu vo biha ni mahedheni, va kanetako Txizimu, magwito awe ngu kuya mndiloni.

Masalmo 9:17 Referans Kwoze

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Jobe 8:13

Ti mahisa toneto tinzila ta vale va divalako Txizimu; se themba ya mkanganyisi yi na lova.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Jeremiya 13:25

Atxiya ngu txona txiningo txako, atxi ni ku dinganako, kuwomba Mkoma; nguko u ni divate, u themba makuhu.

Jeremiya 2:32

Ina m'horana a nga divala wubombi wakwe, mwendo wa ku ngadi kulowolwa kudivala sihiwa sakwe kani? Kambe ditiko dangu di ni divate kale.

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Masalmo 106:13

Aniko va kuluvetile ve divala mithumo ya Txizimu se kha va rinzela kuwona makungo a txona.

Masalmo 49:14

Va siketwe kufa kufana ni tinvuta, se lifo li na maha m'dyisi wawe; va na mitwa ngu lifo kufana ni sihari; mtamo wawe wu na mitwa wu txi txakutelwa ngu dithuna.

Masalmo 44:20

Ngako hi txi divala Txizimu txathu, se hi nawuluta manza athu ka txizimu txa walo,

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Jeremiya 3:21

Mimwayani ko pfala dipswi da sidilo ni kudikwila ka vanana va ka Israyeli; nguko vona va bihisile tinzila tawe, va divate Mkoma, Txizimu txawe.

Masalmo 44:17

Totshe tiya ti tile txitimwi kwathu; hambi keto kha hi ku divali, hambi kuva hi di manekile hi di txhipisile txitumelelano txako.

Jobe 5:13

Txa bzweta titxhari ka wutxhari wa tona tipune; se e wiswa silayelo sa vo biha.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Ezekhiyele 22:16

Awe u na ti nyenyezisa upune, na u txi wonwa ngu matiko, se u na tiziva taku ani ngani Mkoma.