Masalmo 9:14 - Bhiblia Yo Sawuleka

¹⁴ kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Masalmo 9:14 Referans Kwoze

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

Masalmo 106:2

I mani a sikotako kuxawutela mithumo ya hombe ya Mkoma? I mani a sikotako kupfalisa wotshe wudhumo wakwe kani?

Masalmo 51:12

Ni wuyisele litsako la kuhanyisa kwako; u txi ni tsanisa ngu moya wako wa mtamo.

Masalmo 35:9

Ani na tala ngu litsako, nguko Mkoma a ni ningile kuxula.

Masalmo 20:5

Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Masalmo 21:1

Mfumeli wa tsaka mtamoni kwako, Mkoma, wa tsaka ngutu, nguko u mningile kuxula valala.

1 Samuwele 2:1

Sekoko Ana a to kombela, a txi khene: Mbilu yangu yi tsakela Mkoma, ni mtamo wangu u guletilwe ka Mkoma; Txisofu txangu txi asamile txitimwi ka valala vangu, nguko na tsaka kuhanyisani kwako.

Luka 1:47

ni moya wangu wu tsakela Txizimu, Muhanyisi wangu,

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 12:3

Se anu, ngu kutsaka, mi na reka mati ka sisima sa kuhanyisa.

Masalmo 79:13

Athu hi ku vathu vako, hi ku tinvuta ta mtxhambi wako, hi na kudhumisa ngu ha ku si gwitiko, hi na embelela wudhumo wako ka liveleko ni liveleko!

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

Masalmo 42:4

Moya wangu wa dhudhumela, ngako ni txi alakanya, mbimo yi ni nga ti longoloka ni vale va nga ti ya Nyumbani ka Mkoma va txi peka mikulungwani ya kutsaka ni kubonga, ni kugiringa ka vathu va kutsaka.

Masalmo 35:18

Ni na kudhumisa masoni ka votshe vathu vako; ni na kudhumisa hagari ka msengeletano.

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

Masalmo 22:22

Sekoko ni na xawutela ka maxaka angu ati u nga maha; kambe ni na kudhumisa hagari ka msengeletano, ni txi khani:

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Eksodha 3:9

Konkuwa, huwa ya vanana va ka Israyeli yi hokile kwangu, se kambe ni wona sixaniso si Vaegipta va va xuphako ngu sona.

Masalmo 6:3

Ni wona moya wangu, Mkoma, wa dhudhumela. Ni na kurinzela kala ditshiku muni, kani?

Masalmo 75:9

Aniko, ani, ni na dhumisa Txizimu kala kupinduka; ni na embelela ni dhumisa Txizimu txa Jakobe.