Masalmo 9:13 - Bhiblia Yo Sawuleka

¹³ Telwa ngu wumbilu ngu ngani, Mkoma! Wona kuxaniswa kwangu ngu vale va ni nyenyako. Ni khukhise ha ka matimba ya lifo,

Masalmo 9:13 Referans Kwoze

Masalmo 86:13

nguko wunene wako mbwa hombe kwangu; u ni ponisile ka diphala da lifo!

Masalmo 30:3

Mkoma, awe u ni hulukisile ka lifo; u ni hanyisile, ani se ni nga ti relete diphalani.

Sidilo 1:11

Votshe vathu vakwe va dila va txi lava sakudya; va xavisile tithomba tawe ngu kulava sakudya, kasi kuva txi wusa mitamo yawe; “wona Mkoma, wonisisa koko, a ti ni nyenyiswako tona.”

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Isaya 38:10

Ka masiku a kutsaka kwangu, ni naya ha txikeni ka dithitha; se ni tsivetwe malembe angu ale ma nga sala.

Masalmo 142:6

“Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.

Masalmo 119:153

Wona kuxaniseka kwangu, u ni txhatxhisa, ina nguko kha na divala mlayo wako.

Masalmo 119:132

Ni wone, u txi telwa ngu wumbilu ngu ngani, nga tile u ti mahako ka vale va kurandako.

Masalmo 56:13

nguko u hanyisile moya wangu ka lifo u hulukisile mikondo yangu ka tiphango, ti to ni txi hanya masoni kwako, Txizimu, liwoningoni ka va va hanyako.

Masalmo 51:1

Telwa ngu wumbilu ngu ngani, Txizimu, ngu konaho ka lirando lako; pfhita sihambunyeto sangu, madingano ni wumbilu wo tala!

Masalmo 38:19

Valala vangu va hanya, va na ni mtamo; mbavangi, va ni vengako va si nga ni fanelo.

Masalmo 25:19

Wona ti va nga talisa tona valala vangu! Ni livengo li va ni vengako ngu lona.

Masalmo 13:3

Ni wone, Mkoma, u txi ni xamula, Txizimu txangu; woninga maso angu, ti to ma si oteli wukohe wa lifo.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Johani 2:6

Ti ti tsikaretilwe konaho mtxhanu wa tifuko ni yimweyo, ta mraka, ngu mhaka ya kusamba, madingano ni kuruma ka mlayo wa Vajudha. Yimwani ni yimwani ka tona yi ti tatwa ngu mipimo yimbidi mwendo yiraru ya so thelwa.

Masalmo 107:18

sotshe sakudya si ti va xamukisa, se va ti hafuhi ni kufa.

Genesisi 4:9

Txizimu txi to kha txona ka Kayini: “Ahani Abhele, mwananu kani?” Kayini a xamute, a txi khene: “Kha ni m'zivi. Kasi ani ngani ni ku mxayisi wa mwanathu kani?”

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

1 Vafumeli 21:19

Se tsula u txi ya m'gela ku khawe: Mkoma a womba tiya: Ina mwendo khu ngo m'daya u txi teka thomba kani? U na m'gela kambe ku khawe: Mkoma a womba tiya: Ka wukhalo wule timbwa ti nga danzela mnoha wa Nabhote, timbwa ti na danzela ni wako mnoha, ina mnoha wako kha ditshuri.

2 Vafumeli 9:26

Ngu ditshuri, i tiku ni sa wona nyamnova ni mitshikari mnoha wa Nabhote ni mnoha wa vanana vakwe, kuwomba Mkoma, nga ni si ku dihi wukhalo wu wa wudotho wa thembwe, kuwomba Mkoma. Konkuwa mteke u txi mtshotsha ka wukhalo wu wa wudotho wa thembwe, madingano ni dipswi da Mkoma.

2 Makronika 24:22

Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!

Masalmo 10:12

Khukha u txi ema, Mkoma, va tsayise! U nga divale sikulungu!

Masalmo 12:6

Mapswi a Mkoma i mapswi a ditshuri, ngu nga silivhela ya ditshuri, ayi yi nga basiswa nyundoni mtxhanu wa sikhati ni simbidi.