Masalmo 89:51 - Bhiblia Yo Sawuleka

⁵¹ asi valala vako va hi onhelako ngu sona, Mkoma! Hani ni hani a yako kona msawulwa wako, va mruka!

Masalmo 89:51 Referans Kwoze

Masalmo 74:10

Awe Txizimu, mlala a na simama e hi ruketela kala mbimo muni kani? A na poyilela ditina dako kala ditshiku muni kani?

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

Vahebheru 10:33

Ka timwani timbimo, i ti anu mi nga ti tseketselwa masoni ka vathu, mi txi ruketelwa ni kuxaniswa; kambe ka timwani timbimo, mi xanisekile kumweko ni vale va nga ti ka sixaniso so nga toneto.

Mithumo 5:41

Vona va to huma ngu banzani ka wukoma, na va txi tsaka ngu kumaneka va di ha mtengoni ka vale va ku ni fanelo yo xupheka ngu mhaka ya ditina da Jesu.

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Matewu 26:61

ava va nga kha vona: “Awuwa m'thu a ti khene: ‘Ni nga sikota kukhundumusa Dithepele da Txizimu ni tshumela ni di aketa ngu masiku mararu.’ ”

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Masalmo 57:3

Txona txi na rumela txivhuno txa txona ngu nzumani txi txi ni hanyisa ka vale va lavako ku ni fuvisa; Txizimu txi na rumela lirando la txona ni ditshuri da txona.

Masalmo 69:8

Hagari ka vanathu no nga no va mthuyo; kha ni ziwi ngu vanana va mame wangu.

Dhaniyeli 9:16

Awe Mkoma, mandingano ni wotshe wululamo wako, ku na khukhe kuhenya kwako ni txiviti txako txitimwi ka dihoropani dako Jerusalema, ka mmango wako wo sawuleka; se ngu mhaka ya sionho sathu, ni ngu mhaka ya sihambunyeto sa vatate vathu, Jerusalema ni votshe vathu vako va hundukile txisekiso ka votshe vale va ku mabambe kwathu.