Masalmo 89:5 - Bhiblia Yo Sawuleka

⁵ Tinzuma ta dhumisa sidiwukiso sako, Mkoma, ni msengeletano wo sawuleka wa dhumisa kuthembeka kwako.

Masalmo 89:5 Referans Kwoze

Masalmo 97:6

Tinzuma ta huwelela kululama kwakwe ni vathu votshe va wona wudhumo wakwe.

Masalmo 19:1

Nzuma yi nuwela wudhumo wa Txizimu, ani mpfhuka wu zivisa mithumo ya manza a txona.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Masalmo 50:6

Hambi tinzuma ti na huwelela ti to Mkoma a lulamile, nguko Txizimu ngu txona txi lamulako.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

Jobe 5:1

Dhana konkuwa! Ina waho a kuxamulako kani? Se u na rendekela ka wihi msawuleki kani?

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

1 Makronika 17:11

Se ku na maheka taku, mbimo yi masiku ako ma no tatiseka, o tsula ka vaveleki vako, ni na emisa ka liveleko lako, mmweyo ka vanana vako, ni tsanisa mfumo wakwe.

1 Makronika 17:12

Ngene wuwa a no ni akela nyumba, se ani ni na tsanisa wukoma wakwe ngu ha ku si gwitiko.

Masalmo 61:8

Ngu toneto, ni na embelela masalmo ka ditina dako ngu ha ku si gwitiko, kasi kutatisa sixambanyo sangu ditshiku ni ditshiku.

Masalmo 89:30

Ngako liveleko lakwe li txi leka mlayo wangu, ngako va si tsimbili madingano ni sileleto sangu,

Masalmo 89:37

txi na zumba txi di tsani yotshe mbimo, nga mtxima, i ku fakazi ya kuthembeka yi ku nzumani.”

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.