Masalmo 89:4 - Bhiblia Yo Sawuleka

⁴ Liveleko lako li na simama li fuma yotshe mbimo ni na tsanisa wukoma wako ka liveleko ni liveleko.”

Masalmo 89:4 Referans Kwoze

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

1 Makronika 22:10

Awuwa, a na akela nyumba ditina dangu; ene a na va mwanana wangu, se ani ni na va tate wakwe; kambe ni na tsanisa txikhalo txa wukoma wakwe txitimwi ka Israyeli, kala kupinduka.

1 Vafumeli 9:5

ngu kona koko, ni no tsanisa txitulu txako txa wukoma txitimwi ka Israyeli ngu ha ku si gwitiko, nga ha ni nga womba ka tate wako Dhavhidha ni txi khani: Khu na mbi pwata dijaha txitimwi ka txitulu txa wukoma wa Israyeli.

Mtuletelo 22:16

Ani Jesu, ni rumete Ngelozi yangu, kasi ku mi fakazela timhaka tiya ti lumbako mabanza: “Ani ni diphasikela da liveleko la Dhavhidha, ni nyeleti yi phatimako hale mixo.”

Varoma 15:12

Kambe Isaya nene wa womba a txi khene: “Di na humelela diphasikela da Jese, i ku wule a telako ku ta fumela otshe matiko; se ona matiko ma na veka kwakwe txithembo txa ona.”

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Masalmo 89:36

Situkulwana sakwe si na fuma kala kupinduka, txikhalo txakwe txa wukoma txi na simama masoni kwangu nga ditambo;

Masalmo 89:29

Ni na maha ti to lihunzu lakwe li simama kala kupinduka, li txi fuma ngu malembe ni malembe kufana ni nzuma.

Masalmo 89:1

Awe Mkoma, ni na embelela lirando lako, kala kupinduka; ni na huwelela kuthembeka kwako ka liveleko ni liveleko.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

2 Samuwele 7:29

Konkuwa koko, katekisa nyumba ya txithumi txako, kasi ku yi na zumba kala kupinduka masoni kwako, nguko awe Mkoma Txizimu, u wombile; se ngu txikatekiso txako, nyumba ya txithumi txako yi na kateka kala kupinduka.

1 Makronika 28:4

Se Mkoma, Txizimu txa Israyeli, a ni sawute hagari ka yotshe nyumba ya tate wangu, kuva ni fumela kala kupinduka txitimwi ka va ka Israyeli; nguko a sawute Judha kuva mthangeli, ni nyumba ya tate wangu, ka nyumba ya ka Judha; hagari ka vanana va tate wangu a tsakisilwe ngu ngani, kasi ku e ni maha mfumeli txitimwi ka votshe va ka Israyeli.

Masalmo 89:50

Alakanya, Mkoma, siruko so wukela txithumi txako; ni rwate hakhana kwangu siruko sa yotshe mifumo,

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.