Masalmo 89:12 - Bhiblia Yo Sawuleka

¹² U vangile Wuphemba ni Wulambwe; mimango ya Tabhori ni Hermoni ya embelela ditina dako.

Masalmo 89:12 Referans Kwoze

Jobe 26:7

Wuphemba ku gwimbwa ha ndengalengani; txi leketeta mafu aha ko mbi na txilo.

Joxuwa 19:22

Muhingano wu ti ti hoka Tabhori, Xakazima ni Bheti-Xamexe, se muhingano wu tsimbila kala Jordhani, i ku digumi da madhoropa ni dimwedo ni miti ya kona.

Joxuwa 12:1

Avava ngu vona vafumeli va ditiko, avale va nga khoziswa ngu vanana va ka Israyeli, va txi va tekela matiko awe, mtxhatuko ka Jordhani, ngu diphambo da wutxani, kukhukhekla ka txinambwana txa Arnoni kala mmangoni ka Hermoni ni dotshe ditiko da Arabha kala wutxani,

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

Masalmo 98:8

Minambo yi na peke manza ni mimango yi na peke mikulungwani ya litsako

Valamuli 4:12

Va to womba va txi zivisa Sisera, va txi kha vona: Bharake mwana Abhinowami, a kwete mmangoni ka Tabhori.

Valamuli 4:6

Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Masalmo 24:2

Ngene a nga va nga mafu txitimwi ka linene, ngene a nga ma maha txitimwi ka minambo.

Masalmo 115:16

Nzuma yi lumba Mkoma, aniko mafu a ma ningete ka vanana va vathu.