Masalmo 89:11 - Bhiblia Yo Sawuleka

¹¹ Awe u Mkoma wa nzuma ni mafu, u vangile ditiko ni sotshe si si manekako ka dona.

Masalmo 89:11 Referans Kwoze

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Genesisi 1:1

Kukhatani Txizimu txi vangile nzuma ni mafu.

Masalmo 115:16

Nzuma yi lumba Mkoma, aniko mafu a ma ningete ka vanana va vathu.

1 Vakorinto 10:26

Mafu nga Mkoma ni sotshe si si ku txitimwi ka ona.

Masalmo 50:12

Idiku ani ni ni nzala, nga ti si laveki ku kugela, nguko ditiko ni sotshe si si manekako ka dona sa ni lumba.

Genesisi 2:1

Wu gwitisile tiya mthumo wa kuvangwa ka nzuma ni mafu, ni sotshe si si nga tumbulukiswa.

1 Vakorinto 10:28

Kambe ngako wokari a txi mi gela ku khene: Asiya i mhamba ya sizimu sa walo, konaho mi nga dyeni ngu mhaka ya eneyo, a nga mi tsunzukisa ni ngu mhaka ya livhalo.

Jobe 41:11

I mani a nga khata e ni ninga, kasi ku ni na mtshumetela kani? Nguko asi si ku hahatshi ka nzuma, nzangu.

Jobe 38:18

Mwendo ngu wuzivi wako u woni kuanama ka mafu kani? Ni zivise, ngako u txi tiziva totshe eto.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?