Masalmo 89:10 - Bhiblia Yo Sawuleka

¹⁰ U ganyatete Rahabhi txingongongo txa lineneni, u txi daya; ngu mtamo wako wa hombe u hangalasile valala vako.

Masalmo 89:10 Referans Kwoze

Masalmo 144:6

Dhindisa tinyangafula tako u txi va tshatulela; khwinza tingove tako u txi va hangalasa ve thava.

Masalmo 87:4

“Hagari ka mifumo yi yi ni zivako ni na bala Egipta ni Bhabhilona; vathu va Filisitiya ni va Tiro ni va Etiyopiya va na wombwa ku va veleketwe Jerusalema.”

Masalmo 68:30

Kawuka mawuti a titshavani, mtxhambi wa hombe wa tikuzi ni marole a kona a vathu va ganyatelako siya sawe sa silivhela ngu mikondo ve hangalasa vathu va va dhundako yimbi!

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Masalmo 68:1

Mbimo yi Txizimu txi wukako, valala va txona va hangalaka; avale va txi zondako va txi thava;

Masalmo 59:11

Mkoma, u nga va daye, kasiku vathu vangu va si divali; va hangalase u txi va xowokisa ngu mtamo wako. Mkoma, awe u m'vhikeli wathu!

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Masalmo 65:8

Hambi ni vale va nga aka ka matiko a kule va dhudhumela masoni ka sidiwukiso sako; simaho sako si tisa mikulungwani ya litsako kukhukhela makhatoni kala magwito ka ditiko.