Masalmo 89:1 - Bhiblia Yo Sawuleka

¹ Awe Mkoma, ni na embelela lirando lako, kala kupinduka; ni na huwelela kuthembeka kwako ka liveleko ni liveleko.

Masalmo 89:1 Referans Kwoze

Masalmo 101:1

Ni lava kuembelela lirando ni kululama; ni txi embelela ngu ngawe, Mkoma.

Masalmo 119:90

Kuthembeka kwako ku tsani ka liveleko ni liveleko, u mahile mafu me zumba ma di tsani.

Sidilo 3:23

Wumbilu wa Mkoma, wu woneka i di wa wuphya ka ditshiku ni ditshiku; kuthembeka kwako Mkoma nga hombe.

Masalmo 89:8

Mkoma, Txizimu txa mtamo wotshe, kuwalo wo fana ni nawe! Mtamo ni kuthembeka kwako si ku randete.

Masalmo 89:33

Aniko kha ni na mbi leka kuranda Dhavhidha, kha ni na mbi leka kumaha sithembiso sangu kwakwe.

Masalmo 36:5

Aniko wumbilu wako, Mkoma, wu gulekile wu hoka ni nzumani; ditshuri dako da manela marefu.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Masalmo 89:49

Mkoma, li hani lirando lako la kale, lirando li u nga xambanyela Dhavhidha ngu kuthembeka kwako kani?

Masalmo 92:2

Ndinene kuhuwelela wumbilu wako ni mixo ni kunuwela ditshuri dako ni wusiku,

Masalmo 71:8

Txisofu txangu txi na tale ngu ku kudhumisa ni wudhumo wako dotshe ditshiku.

Masalmo 89:24

Kuthembeka kwangu ni lirando langu si na va ni nene; ngu ditina dangu wu na tsana wukoma wakwe.

Masalmo 59:16

Aniko, ani ni na embelela mtamo wako; ni mixo, ni na dhumisa ngu litsako wumbilu wako, ngu ku uve wuthavelo wangu wo guleka ngutu, ni m'vhikeli wa da ditshiku da kuxaniseka kwangu.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Masalmo 88:11

Ina m'thu a nga sikota kuhuwelela wunene wako diphalani kani? Mwendo kuhuwelela kuthembeka kwako a di mfumoni ka lifo kani?

1 Makronika 2:6

Se vanana va Zera ngu vava: Ziniri, ni Etani, ni Hemani, ni Kalikoli, ni Dhara; votshe mtxhanu.

1 Vafumeli 4:31

A ti tiziva ngutu kupinda votshe vathu, ni kupinda Etami, muezira, ni kupinda Hamani, ni Kalikoli ni Dhardha, i ku vanana va Maholi; se nduma yakwe yi to pfala ka matiko otshe ma nga ti madhawani kwakwe.

1 Vafumeli 5:11

Se Solomoni a to ninga ka Hiramu 20.000 wa tipimo ta hombe ya fulaho, kasi kudyisa m'ti wakwe, ni magumi mambidi a tipimo ta hombe ta mafura amanene; eso Solomoni a ti ninga Hiramu, dilembe ni dilembe.