Masalmo 88:1 - Bhiblia Yo Sawuleka

¹ Mkoma, Txizimu txangu ni Muhanyisi wangu, wusiku ni mitshikari na ku kombela txivhuno.

Masalmo 88:1 Referans Kwoze

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Masalmo 22:2

Txizimu txangu, na dila ni mitshikari, kambe khu ni xamuli; na dila ni wusiku, kambe kha ni mani kuzumbiseka.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Masalmo 86:3

Mkoma, telwa ngu wumbilu ngu ngani, nguko na dila masoni kwako txotshe txikhati.

Masalmo 53:1

Txiphukuphuku txi ti kha txona ngu mbiluni ka txona: “Kha txi nga ho Txizimu!” Vathu va onhekile, va maha mithumo yo nyenyeza; kha ku nga ho ni wammweyo a mahako ta tinene!

Masalmo 51:14

Awe Txizimu, ngawe u ni hanyisako! Ni hulukise ka lifo ni na huwelela ngu tindando ti to u lulamile.

Masalmo 27:9

U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

1 Vafumeli 4:31

A ti tiziva ngutu kupinda votshe vathu, ni kupinda Etami, muezira, ni kupinda Hamani, ni Kalikoli ni Dhardha, i ku vanana va Maholi; se nduma yakwe yi to pfala ka matiko otshe ma nga ti madhawani kwakwe.

Genesisi 49:18

Mkoma, ni verela kutirulwa ngu ngawe!

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Luka 2:30

Nguko maso angu se ma wonile kuhanyisa kwako;

Luka 1:47

ni moya wangu wu tsakela Txizimu, Muhanyisi wangu,

Isaya 62:6

O Jerusalema! Ni vekile vawoneleli txitimwi ka maguma ako, ava va no mbi malala wusiku ni mitshikari; o anu mi khumbukako Mkoma, mi nga thukeni mi malala,

Masalmo 140:7

Awe Mkoma Txizimu, u m'vhikeli wa kuhanyiswa kwangu, awe u tsivete msungo wangu ka ditshiku da kulwa.

Masalmo 79:9

Hi lwele, Txizimu, Muhanyisi wathu; hi ponise u txi hi divalela, ngu mhaka ya wudhumo wa ditina dako do Sawuleka!

Masalmo 68:19

A na dhumiswe Mkoma, ditshiku ni ditshiku; ene a hi ponisile; Txizimu i muhanyisi wathu!

Masalmo 65:5

Awe wa hi xamula, Txizimu, muhanyisi wathu, ngu mithumo yo xamalisa ya kululama; otshe mafu ma themba awe ni kotshe kuanama ka linene.

Masalmo 62:7

Kuhanyiswa kwangu ni wudhumo wangu si ka Txizimu; txona m'vhikeli wangu ni wuthavelo wangu.

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Masalmo 24:5

Ka vonavo, Mkoma Txizimu, Muhanyisi wawe, a na va katekisa e va hakela ngu kululama.

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

1 Vatesalonika 3:10

Ha khongela, wusiku ni mitshikari, ngu kusimamisa ti to Txizimu txi hi ninga kutshumela hi mi wona, kasi kueneta ati ti nga kelela, ka likholo lanu.

1 Makronika 2:6

Se vanana va Zera ngu vava: Ziniri, ni Etani, ni Hemani, ni Kalikoli, ni Dhara; votshe mtxhanu.

Titosi 2:10

si si thuki si pa, aniko, si na mahe mithumo yi yi kombako kuthembeka ka kuhetiseka, si ninga lisima, ngu mahanyelo oneyo, ka gondo ya Txizimu, Muhanyisi wathu.

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

1 Vafumeli 5:11

Se Solomoni a to ninga ka Hiramu 20.000 wa tipimo ta hombe ya fulaho, kasi kudyisa m'ti wakwe, ni magumi mambidi a tipimo ta hombe ta mafura amanene; eso Solomoni a ti ninga Hiramu, dilembe ni dilembe.

1 Makronika 6:18

Se vanana va Kohati ngu vava: Amiramu, ni Isari, ni Hebroni, ni Uziyeli.

Masalmo 42:1

Kufana ni mhuti yo pfa ditora yi tutumelako mnamboni, nanani na kuxuva, awe Txizimu txangu.