Masalmo 87:3 - Bhiblia Yo Sawuleka

³ Awe didhoropa da Txizimu, ta tsakisa ngutu ati Txizimu txi wombawombako, na txi txi dhumisa awe:

Masalmo 87:3 Referans Kwoze

Mtuletelo 14:1

Se ni to wona tiya: Txinvutana txi ti emile txitimwi ka mmango wa Siyoni, kumweko ni 144.000 wa vathu, avava va nga ti bhatwe ha mbanza ditina da Txinvutana, ni da Tate wa txona.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 59:20

Se ku nata Muhanyisi ka Siyoni, ni ka va ka Jakobe avale va nga leka tinzila to biha, kuwomba Mkoma.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 46:4

Mnambo wa tsakisa, ngu milonga ya wona, didhoropa da Txizimu, didhoropa do sawuleka ngutu da kuzumba Nyatxitimwi.

Ezekhiyele 36:2

Ngu kumaha keto Mkoma Txizimu a khene: Eko mlala wanu a ku khene ngu nganu: Yowe! Yowe! Kala ka timbimo ta kwa mbi gwita, mi na va thomba yathu;

Ezekhiyele 5:5

Mkoma Txizimu a khene: Awuwa i Jerusalema; ni m'vekile hagari ka matiko.