Masalmo 87:2 - Bhiblia Yo Sawuleka

² Ene wa di dhunda didhoropa da Jerusalema, wa ma dhunda matimba a Siyoni. Kupinda tinyumba totshe ta ka Jakobe.

Masalmo 87:2 Referans Kwoze

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.