Masalmo 87:1 - Bhiblia Yo Sawuleka

¹ Mkoma a akile didhoropa dakwe txitimwi ka mmango wo sawuleka.

Masalmo 87:1 Referans Kwoze

Isaya 56:7

kambe ni na va yisa mmangoni kwangu ko sawuleka, ni va busisa Nyumbani kwangu ka mikombelo; miningelo yawe ya kuhiswa ni miphaxo yawe, yi na amukeleka txiluveloni kwangu, nguko nyumba yangu yi na dhanwa ku i Nyumba ya mikombelo, ka otshe matiko.

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

2 Pedro 1:18

Athu hipune hi di engisile dipswi diya di txi ta ngu nzumani, mbimo yi hi nga ti kumweko nayo ha mmangoni ko sawuleka.

Masalmo 68:16

Anu mimango yo demba, ngu kutxani mi wona ngu kubavela mmango wu Txizimu txi nga wu sawula kasi kumaha dizumbo da txona kani? Mkoma a na zumba ka wona kala kupinduka!

2 Makronika 3:1

Solomoni a to khata kuaka Nyumba ya Mkoma kona Jerusalema, ka mmango wa Moriya, ka wukhalo awu Dhavhidha tate wakwe, a nga ti wusawute ani Orinani, nguko ngu hawa Mkoma a nga ti wonekisa kona ka Dhavhidha.

Masalmo 121:1

Na guleta maso ni wonetela mimangoni: Ku nata ngu hani kulamulelwa kwangu kani?

Masalmo 42:1

Kufana ni mhuti yo pfa ditora yi tutumelako mnamboni, nanani na kuxuva, awe Txizimu txangu.

Masalmo 78:69

A akile nyumba yakwe ya kukhozela, yo guleka nga nzuma a txi yi tsanisa kala kupinduka kufana ni mafu.

Masalmo 122:2

Mikondo yathu yi hokile ha txikeni kwako, awe Jerusalema.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.