Masalmo 86:5 - Bhiblia Yo Sawuleka

⁵ Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 86:5 Referans Kwoze

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Masalmo 103:8

Mkoma a tate ngu wumbilu ni wunene; wa timisela na a di tate ngu lirando.

Mithumo 2:21

Se wuhi ni wuhi a no khongela ngu ditina da Mkoma, a na huluka.’ ”

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Masalmo 25:8

Mkoma mbwa mnene kambe a lulamile; ngu kumaha keto wa gondisa vaonhi kutsimbila ngu tinzila ta tinene

Masalmo 130:7

Israyeli, rinzela Mkoma, nguko Mkoma ana ni wumbilu, wa hi hulukisa ka tiphango to tala.

Johani 4:10

Se Jesu a to xamula a txi khene: “Idiku wo txi ziva txihiwa txa Txizimu, ni ti to i mani wule a ku khene: ‘Hi nga niha mati o sela’ nga i di awe u mu kombelako ti to ene e kuninga mati a kuhanya.”

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Ezekhiyele 36:33

Mkoma Txizimu a khene: Ka ditshiku dile ni no mi sawulekisa ka wotshe wubihi wanu, sekoko ni na maha taku mi txi zumba madhoropani, ku txi aketwa makhalo ale ma nga xaselwa.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Masalmo 119:68

Awe u wamnene kambe u mkatekisi; ni gondise sileleto sako.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Masalmo 130:4

Aniko awe wa ziva kudivalela, kasiku athu hiva ni txithavo.

Masalmo 69:16

Ni xamule, awe Mkoma, nguko lirando lako mbunene; ni wone, ngu wumbilu wako wa hombe.

Masalmo 36:7

La xamalisa ngutu lirando lako, awe Txizimu! Hahatshi ka mabhapi ako, athu hi tipfa hi di kusisalani.

Vaefesu 2:4

Kambe Txizimu, txi nga tala ngu wumbilu ni lirando la hombe, ali txi nga hi randa ngu lona athu,

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Masalmo 69:14

ni thavise ndopeni, kasiku ni si hojomeli! Ni hanyise ka va va ni vengako ni ka mati o mita!

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;