Masalmo 86:1 - Bhiblia Yo Sawuleka

¹ Ni engise, Mkoma, u txi ni xamula, nguko na xaniseka, ni txisiwana.

Masalmo 86:1 Referans Kwoze

Masalmo 31:2

Ni engise ta tinene u txi kuluveta ku ni hulukisa. Awe maha dirigwi dangu da wuvhikeli; awe maha mkhokhola wangu wa wuthavelo ni kuhanyisa!

Masalmo 40:17

Mkoma, ni xayise, ani ni ku txikulungu txo mpwata-ni-wangu! Awe ngawe m'vhuni wangu ni m'hulukisi wangu; u nga swele, Txizimu txangu!

Dhaniyeli 9:18

Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Masalmo 142:1

Ni dite ka Mkoma ngu dipswi dangu ngu dipswi dangu ni khongete ka Mkoma.

Masalmo 140:12

Na tiziva ti to Mkoma, na emela mhaka ya wule wo tsindavetwa kumweko ni madingano a txikulungu.

Masalmo 119:22

Ni ponise ka siruko sawe ni sinyenyo sawe, nguko na xayisa sileleto sako.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.

Masalmo 17:6

Ni huwelela kwako, Txizimu, nguko awe u na ni xamula; riya nzeve yako kwangu, u txi engisa mapswi angu.

Masalmo 102:1

Mkoma, engisa mkombelo wangu, yi na hoke kwako huwa yangu!

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Masalmo 25:16

Ni rendekele u txi ni wona, Mkoma! Telwa ngu wumbilu ngu ngani, nguko ni nokha kambe ni kuxanisekani.