Masalmo 85:9 - Bhiblia Yo Sawuleka

⁹ Kha ditshuri kuhanyisa kwakwe ku hafuhi ka vale va m'thavako ni wudhumo wakwe wu na aka ditikoni kwathu.

Masalmo 85:9 Referans Kwoze

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Mithumo 13:16

Paulo a to khukha, a txi maha txikombiso ngu diwoko, a txi khene: “Vavamna va ka Israyeli ni nanu mi thavako Txizimu, engisani:

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Isaya 4:5

Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa.

Masalmo 119:155

Kuhanyiswa ku kule ka vabihi, nguko kha va lavi sileleto sako.

1 Samuwele 3:9

Ngu kumaha keto, Eli a to khene ka Samuwele: Tsula u txiya otela, se va txi engeta kambe ve kudhana, u na womba tiya: “Womba-womba Mkoma, nguko txithumi txako txa engisa.” Sekoko Samuwele a to tsula eya otela ka wukhalo wakwe.

Jeremiya 23:35

Mi na khanu, mmweyo ni mmweyo a na wotisa mu akelani mwendo mwanawe, a txi khene: Mkoma a xamute txani kani? Mwendo intxani a nga womba Mkoma kani?

Jeremiya 23:37

U na womba ka mprofeti, u txi khawe: Mkoma a ku xamute txani? Mwendo intxani a nga womba Mkoma kani?

Jeremiya 29:11

Nguko na tiziva ti ni xuvako tona ngu nganu, kuwomba Mkoma: Maalakanyo a kuthutha, na i si nga a dikhombo, ti taku ni verela masiku matako.

Ezekhiyele 3:10

A ni gete kambe ku khene: Awe mwanana wa m'thu, veka mbiluni totshe timhaka tangu, ati ni no kugela, kambe u txi ti pfisisa ngu tinzeve tako.

Habhakuki 2:1

Ni na va wukhaloni kwangu ko wonelela, kambe ni na ti kombekisa txitimwi ka mkhokhola, se ni txi rumarumela kulava kuwona awule a wombawombako ni nani, ni ti ni no xamula, mbimo si ni no thethiswa.