Masalmo 85:4 - Bhiblia Yo Sawuleka

⁴ Hi wuyise kwako, Txizimu, muhanyisi wathu; u txi leka ku hi henyela!

Masalmo 85:4 Referans Kwoze

Masalmo 80:3

Awe Txizimu, tshumela u hi wusa, hi kombe liwoningo la khohe yako, kasi hi na hanya!

Masalmo 80:7

Awe Txizimu txa Mabutho a Tiyimbi; tshumela u hi wusa, hi kombe liwoningo la khohe yako, kasi hi na hanya!

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Sidilo 5:21

Awe Mkoma, hi wuyisele kwako, kasi ku hi txi tshumelela kwako ngu ditshuri, hi tshumetele ka txiemo txile hi nga ti ka txona kale.

Malakiya 4:6

Se a na hundulusa timbilu ta vatate ka vanana vawe, ni timbilu ta vanana ka vatate vawe; kasi ku ni si ti ni ta peka ditiko ngu txiruko.

Masalmo 80:19

Mkoma, Txizimu txa Mabutho a Tiyimbi, tshumela u hi wuyisa, hi kombe liwoningo la khohe yako, kasi hi na hanya!

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Dhaniyeli 9:16

Awe Mkoma, mandingano ni wotshe wululamo wako, ku na khukhe kuhenya kwako ni txiviti txako txitimwi ka dihoropani dako Jerusalema, ka mmango wako wo sawuleka; se ngu mhaka ya sionho sathu, ni ngu mhaka ya sihambunyeto sa vatate vathu, Jerusalema ni votshe vathu vako va hundukile txisekiso ka votshe vale va ku mabambe kwathu.

Jeremiya 31:18

Ni pfite Efrayime atxi titsetsa, a txi khene: U ni tsayisile, ni txi kwapwa kufana ni txidhunana txa kwa mbi tolovela dikange, ni hunduluse, ni na hunduluka, nguko ngawe Mkoma, Txizimu txangu.

Johani 4:22

Anu mi khozela txa ku ambi txi ziva, athu hi khozela txi hi txi zivako, nguko kuhanyiswa kuta ngu ka Vajudha.

Isaya 10:25

nguko i si nga kuswela, ku na tatiseka kuhenya kwangu ni txiviti txangu, kasi ku ni va heta.

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

Joxuwa 7:26

Se va to maha mmumbu wa hombe wa marigwi txitimwi kwakwe, kala ka ditshiku da nyamsi; ngu kumaha keto, Mkoma a to boxa kuhenyani kwakwe; ngu mhaka yeto wukhalo wule wu to dhanwa ku mkova wa Akori, kala ka ditshiku da nyamsi.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Hoseya 11:9

Na mbi londetela ta kupanda ka kuhenya kwangu; kha ni na mbi wuya ku ta hoxota Efrayime, nguko ani ni Txizimu, kha ni nga m'thu, Msawuleki hagari kwako; ani kha ni na mbi wulela didhoropani.